揀選電制嘅10大細節
- 彩星
- 2月13日
- 讀畢需時 2 分鐘
電制面板有咁多隻牌子，而每隻牌子又有幾個系列咁，花多眼亂！
電制係成個家居設計嘅襯托角色，只要留意以下十大關鍵細節，你就可以極速揀選返最適合你嘅電制產品。
1）牌子
睇下你有冇偏好某隻牌子或國家。
英國牌子：MK
德國牌子：Hager
中國牌子：Junon
2）顏色
考慮你傢俬、油漆、地磚嘅顏色，揀選風格相配嘅顏色。
白色：最百搭
黑色：北歐風、現代簡約風
金色：輕奢風
灰色：日系、現代簡約風
銀色：輕奢風
古銅色：工業風
木紋：日系、復古風
粉紅色：夢幻風
3）圓角/直角
各有唔同感覺。
圓角：圓滑、時尚感
直角：線條、突出性格
4）邊框
現時新款推出都係無邊框，有邊框嘅會少啲人揀。
無邊框：大㩒手位，手感好
窄邊框：窄邊框作為修飾都好睇
闊邊框：較少人用
5）光面/啞面
各有好處。
光面：比較常見，唔同角度睇會因為反光有唔視覺效果
啞面：唔同角度下呈現相近視覺效果，比較一致
6）燈掣開關指示
睇下自己中唔中意夜晚見到少少光。
LED指示燈：有盞燈仔作為夜晚引路燈
螢光指示：有細細點螢光修飾
無指示：比較常見
7）燈制㩒法
主要同手勢習慣有關。
打直㩒：主流㩒法，比較直觀
打橫㩒：較少見
回彈㩒：同一個位置㩒一下開一下閂，最特別
8）Logo
睇下自己中唔中意見到Logo。
正面印字：正面角落位印住牌子名，比較明顯
正面凸字：正面角落位有凸字，冇咁明顯
側邊印字：底部/側面印住牌子名，低調啲
9）修飾
通常係標誌性嘅特點，突出產品設計，睇下hit唔hit得中你喜好。
底邊：有種時尚感
側邊：有種高級感
拼色色邊：有種奢華感
10）價位
電制主要係賣設計，
高價：設計獨特、特別材質會比較貴
中高價：通常有啲特別賣點，銷量最好
中價：有啲設計概念，易襯款多
中低價：通常係平價牌子嘅設計款
低價：平凡款
透過留意以上細節，相信你都可以好快揀選到符合個人喜好嘅電制款式。
喺我哋網店落單，價錢優惠、流程簡單、操作容易，相信可以帶畀你唔錯嘅購物體驗，期待為你服務！
Comments