【電力安全必睇】機電署強制安裝 AFDD？幾錢？一文睇清呢款「防火神器」！
- 彩星
- 1月9日
- 讀畢需時 2 分鐘
各位業主同電力工程界朋友，最近電力規例有一個好重要嘅更新，大家一定要留意！
為咗提升電力安全，香港政府將會分階段強制要求喺特定處所安裝「電弧故障偵測裝置」，亦即係所稱嘅「AFDD」(全寫Arc Fault Detection Device)。
到底呢舊嘢係咩嚟？點解要裝？同埋幾時開始要裝？今日就同大家拆解一下！
1. 咩係電弧故障 (Arc Fault)？點解咁危險？
電弧(Arc)，簡單嚟講就係一種「連空氣都導電」嘅現象。
成因：當電線被傢俬壓斷、小動物咬斷、過度拉扯、安裝不當、插頭冇插好等等嘅原因造成接觸不良，令電流由空氣直接流通。
後果：電弧產生嘅溫度可達6,000°C！當接觸到附近物體勁易起火！
2. 傳統嘅 MCB 或水氣掣 (RCCB) 保護唔到？
好多人以為屋企有MCB同RCCB(水氣掣）就夠晒安全，其實未必夠㗎！
MCB ：主要係防過載同短路，如果係電流唔大嘅「串聯電弧」，佢係偵測唔到嘅 。
RCCB（水氣掣）： 淨係偵測有冇「漏電」，對於冇漏電去地線嘅電弧故障都係無能為力 。
AFDD 嘅出現就係為咗補足呢個盲點，佢可以分析電流波形，一發現有唔正常嘅電弧雜訊就即刻跳掣，喺起孤發熱前斷電。
3. 香港強制安裝時間表
香港機電署將會採取「循序漸進」嘅方式推行強制安裝AFDD：
2027年1月1日起：建築或地盤Office嘅插座電路。
2028年1月1日起：電動車電叉設備。
2029年1月1日起：全面覆蓋特定處所，包括：
住宿處所： 住宅、酒店、學生宿舍、老人院等 。
危險處所： 存放易燃物嘅倉庫 。
特別建築： 木製建築物、博物館。
4. 揀選同安裝時嘅注意事項
如果你準備裝修或者換電箱，又想裝AFDD做好保障，記得同電工師傅溝通好：
尺寸問題： AFDD 有分唔同尺寸（佔1P位或2P位），有啲仲會結合埋MCB或RCBO功能。
部分品牌嘅AFDD會比普通MCB長，要確保配電箱有足夠空間 。
接線要求： 每一組AFDD嘅中性線 (N) 必須獨立接駁，亦需分清In/Out，確保電流經過佢內部嘅Sensor，否則會偵測唔到故障 。
5. 價錢
根據施耐德2025年定價，純AFDD 1P+N定價係$1630；
如果加埋RCBO功能嘅AFDD，定價係$2292。
我哋仲提供正泰牌，畀埋你比較，同樣有RCBO功能，定價係$1950。
我哋網店現時有賣AFDD，折扣價發售，歡迎訂購！
總結：科技進步係為咗令我哋住得更安心。雖然安裝 AFDD 會增加少少初期成本，但相比起火災帶來嘅損失，呢份「額外火險」絕對值得投資 ！
溫馨提示：所有電力工程必須由註冊電業工程人員進行，確保合符要求！
留言