路軌燈3個選購原則

講到家居裝修，燈光真係一個唔可以忽視嘅元素！想你嘅屋企望落唔單止實用，仲要有格調，路軌燈（Track Light）絕對係一個好選擇。

首先，路軌燈好靈活，可以隨時按實際要求加減數量、調整照射角度；

然後，一個字，型！為你嘅家居增添一份時尚感，無論係客廳、飯廳，都可以用得到。

但係，點樣揀啱路軌燈？

今次我哋就同大家分享3個實用Tips，幫你揀選適合嘅路軌燈啦！

1. 搞清楚路軌燈係咩嚟

首先你要知道路軌燈係咩嚟。簡單黎講，首先有條路軌，係一條固定喺天花板嘅軌道，上面可以裝好幾盞燈，燈頭可以隨意調校角度同位置。佢同傳統吊燈或者吸頂燈最大嘅分別，就係靈活性高！想照亮客廳某個角落？校一校就得。想突出牆上嘅畫作？又得！呢種設計特別適合現代簡約風格嘅設計，望落乾淨俐落，仲有種專業設計感。

2. 揀啱路軌燈嘅款式

路軌燈都有好幾種，分別以顏色、形狀、膽類。

顏色：以黑、白色為主，但有時都會見到古銅色、木紋等特別色。

形狀：以圓筒形為主，筒形可以有長短之分，少有方型。

膽類：以一體化LED為主，但經常都會見到有裝GU10膽、MR16膽等非一體化嘅類型。

揀款式之前，諗一諗你屋企嘅整體風格。例如，北歐風嘅家居可以揀白色或者木質元素嘅路軌燈；工業風就啱用黑色或者金屬款。記得，路軌燈唔單止係燈，仲係你家居嘅「裝飾品」！

3. 色溫同光度要啱feel

色溫同光度係影響路軌燈效果嘅關鍵！色溫通常分為黃光（約2700K-3000K）、米光（4000K）同白光（6000K-6500K）。想客廳有溫馨feel？黃光係首選，氣氛一流。如果係書房或者工作間，白光幫你集中精神。介乎中間就揀米光嚕！

光度方面，記得睇燈嘅流明（Lumen）數值，或者W數，通常W數越高，流明越高就越光猛。

點解揀我哋嘅路軌燈？

我哋網店有齊唔同款式同品牌嘅路軌燈，無論你鍾意Phililp 、BMC、Future Lighting、黑色定白色，而且分類好晒，圖片、規格齊全，最快速度幫你揀選一款最啱你嘅！